Chèf militè Bangladèsh (yon ti peyi ki sitye nan Sid Azi) deklare ke limenm ak gouvènman enterimè a ke loreya pri Nobèl Muhammad Yunus ap dirije pral prete sèman Jedi swa, lè misye tounen nan peyi a soti Paris. Yunus pral jere gouvènman an epi eseye retabli stabilite nan peyi a apre yon revolt te fose Premye Minis Sheikh Hasina pou l demisyonnen epi kouri al lage ko li nan peyi vwazen, End.
Jeneral Waker Uz-Zaman deklare nan yon diskou televize Mèkredi ke moun ki responsab pou vyolans apre demisyon Hasina pral oblije konparèt devan lajistis.
Nan pale li te fè ak jounalis yo nan vil Paris, Yunus deklare "mwen kontan tounen lakay epi gade sa kap pase lot bo a epi kijan nou ka oganize nou pou soti nan tèt chaje nou ye a."
