Mache d la Bous Nouyok la ap viv yon jounen tèt chaje kote pri aksyon yo sibi gwo bès akoz kè sote moun genyen pou ralanti ekonomi Etazini an fè. Sa lakoz moun toupatou nan mond lan ap vann aksyon yo.
Endis S&P 500 sibi yon bès 2,4% a midi Lendi.
Endis Endistriyèl Dow Jones lan sibi yon bès 860 pwen, epi endis Nasdaq la bese pa 2,7%.
Anvan sa, endis Nikkei 225 Japon an konstate pi move jounen li depi ane 1987.
Aksyon ak bon Trezo yo te jere bès nan valè yo apre yon rapo ki montre sèvis ak biznis Ameriken yo kontinye grandi.
Sepandan gen gwo kè sote pami envestisè yo akoz yon rapo ki te pibliye Vandredi ki montre konpayi Ameriken yo fè yon ralanti nan kantite moun yo te anplwaye mwa pase a. Bès la te pi gwo pase sa yo te atann.
