Mwayen Oryan
Netanyahu Rankontre Responsab Ameriken yo
Donald Trump akeyi Premye Minis Izrayelyen an Benjamin Netanyahu lakay li nan eta FLorid, pou premye rankont fas-a-fas yo depi prèske 4 an.
Mesye yo ap chache repare lyen ki te andomaje pandan prezidans li epi prezante tvt li kom alye ak chèf deta. Trump te fache ak Netanyahu poutèt misye te felisite Joe Biden pou viktwa li nan eleksyon 2020 an kote li te fè fas ak Trump.
Rankont Vandredi a taka ede jefo Repibliken yo ap fè pou prezante tèt yo kom pati ki pi lwayal ak Izrayèl.
Pou Netanyahu, reparasyon relasyon ak Trump se yon enperativ - etan done ke misye tak revinn prezidan Etazini - yon peyi ki se prensipal founisè zam ak pwotektè peyi Izrayèl.
Yon lot kote nan Washington, Netanyahu te fè chita tande ak Prezidan Joe Biden ak Vis Prezidan Kamala Harris nan Lamezonblanch Jedi.
Nan komantè li te fè devan jounalis yo, Netanyahu te remèsye Biden pou 50 ane sèvis piblik ak sipo li pou eta Ebre a.
Biden ap mete prezsyon sou Izrayèl pou l siyen yon antant ak Hamas pou lage otaj ki toujou nan men militan yo nan Gaza. Plan li pwopoze a gen 3 faz. Si li reyusi se tap yon gwo akonplisman nan palmarès Demokrat la ki gen 81 an, e ki deside bay kous prezidansyèl la vag epi andose vis prezidan li, Harris.
Lamezon Blanch di yo prèske finn negosye men gen kestyon ki rete pou rezoud.
Vis Prezidan Kamala Harris, ki te rankontre Netanyahu separeman, fè konnen li ankouraje misye pou l antann ni sou plan seselfe a ak Hamas la pi vit posib.
"Ann siyen antan la pou ka gen yon seselfe pou mete fen nan lage a. Ann mennen otaj yo lakay yo epi ann bay pèp Palestinyen an asistans li tèlman bezwen an."
Harris di jounalis yo li te gen yon konvèsasyon "onèt ak konstriktiv" ak Netanyahu Jedi, kote li afime dwa Izrayèl genyen poul defann tèt li men tou, eksprime gwo kè sote li genyen pa rapo ak pakèt moun ki mouri nan Gaza pandan 9 mwa konfli a, epi sityasyon imanitè "ijan" ki egziste lot bo a.
Tout je brake sou prezime kandida prezidansyèl pati Demokrat la. Li reitere an gran pati, mesaj Prezidan Joe Biden nan ki se ke li lè pou fini lagè a men li ofri yon ton pi egzijan e pi ijan nan mesaj pa l.
See all News Updates of the Day
Putin ak Tokay Iranyen li Massoud Pezeshkian Siyen Yon "Akò Patenarya Estratejik"
Prezidan Ris Vladimir Putin ak tokay Iranyen li a Massoud Pezeshkian siyen yon "akò patenarya estratejik" nan Moskou.
Dapre jounalis AFP yo, trete a make yon nouvo rapwòchman ant 2 peyi yo, ki gen relasyon ostil ak peyi Loksidan yo.
Kontni akò a poko piblik, men Vladimir Putin akeyi akò a "ak yon objektif anbisye" apre yo fin siyen dokiman sila.
Li te deklare "Lyen ki genyen ant 2 peyi nou yo se konsiderab ak mityèlman benefisye."
Kisa k nan Akò Sispann Tire Izrayèl ak Hamas la?
Akò pou sispann goumen ant Izrayèl ak Hamas pèmèt fòs Izraelyen yo rete nan kèk pati nan Gaza jiskaske tout otaj Izraelyen yo jwenn liberasyon yo.
Trèv nan Gaza: Irak Mande Livrezon Èd Imanitè yo "Prese Prese"
Irak salye mèkredi akò trèv ki pase ant Izrayèl ak Hamas la, pandan li souliye "nesesite pou yo pèmèt èd imanitè rive imedyatman nan Gaza ak lòt teritwa palestinyen."
Ministè Afè Etranjè Irak la, ki estime trèv la fèt apre "kokenn chenn sakrifis ak gwo soufrans pèp palestinyen an" nan Gaza, reklame plis efò entènasyonal pou rekonstriksyon zòn ki detwi pandan agresyon" izrayelyen an, pou "garanti yon retou nan lavi nòmal epi yon amelyorasyon nan kondisyon lavi popilasyon an."
Dapre Yon Sous Palestiniyen Hamas, Jihad Islamik Apwouve Akò Trèv Gaza a
Yon sous Palestinyen nan Doha, ki pre otorite kap negosye pou yon gen yon trèv nan lagè Izrayèl ap mennen nan Gaza, di AFP gwoup militan palestinyen Hamas ak Jihad islamik te apwouve yon akò sesefe.
Akò saa gen ladann liberasyon plizyè otaj nan premye faz akò pou sispann goumen an.
An echanj, va gen liberasyon anpil prizonye palestinyen ki anba men gouvènman Izrayèl la, se sa 2 sous Palestinyen ki pre negosyasyon yo nan Doha deklare mèkredi.
Sous la, ki te pale sou kondisyon pou non l pa site, te di " Pati yo rive jwenn yon akò ant yo, epi yo te enfòme medyatè yo sou apwobasyon yo pou akò saa ki prevwa yon echanj (prizonye) ak yon trèv,".
Yon lòt sous palestinyen te konfime apwobasyon akò silaa tou.
Biden ak Netanyahu Diskite sou Dènye Efò yo pou Rive Jwenn yon Seselfe nan Lagè ant Izrayèl ak Hamas
Premye Minis Izrayelyen an, Benjamin Netanyahu, ak Prezidan ameriken an, Joe Biden, pale nan telefòn sou dènye efò yo pou rive jwenn yon seselfe epi libere otaj nan lagè Izrayèl ak Hamas la.
Sa montre gen plis efò k ap fèt pou jwenn yon akò anvan Donald Trump pran pouvwa a 20 janvye k ap vini an. Negosyasyon yo, ke Etazini, Lejip, ak Katar te ede negosye pandan ane ki sot pase a, te souvan bloke nan moman yo te sanble toupre yon akò.
Men, nan dènye jou sa yo, ofisyèl ameriken yo eksprime espwa pou yo ta rive jwenn yon antant. Chèf sèvis ransèyman Izrayèl la (Mossad) ak pi gwo konseye Biden sou Mwayen Oryan an tou de nan kapital Katar, Doha, ki ap ede nan negosyasyon yo.
Facebook Forum