Nouvo Premye Minis Britanik la Keir Starmer deklare li pral dirije yon "gouvènman de sèvis" ki pral pousuiv yon misyon renouvèlman nasyonal. Se premye deklarasyon ofisyèl li fè apre pati Travayis li a ranpòte yon viktwa lavalas nan eleksyon lejislativ yo epi pran pouvwa a. Pati a te pase plis pase 10 zan nan opozisyon an.
Starmer dirije pati li pou ede l reprann kontwòl gouvènman Britanik la mwenske 5 an apre li te souvri pi gwo defèt li nan yon syèk. Sepandan pati Travayis la ap fè fas ak yon kokenn chenn defi ki se re-bay ekonomi an jarèt nan moman pèp la prèske pèdi espwa.
Lidè pati Konsevatè a, Rishi Sunak te pwononse yon diskou adye kote li di li konprann kole elektè yo epi pran responsabilite pou echèk pati li:
"Mwen ta renmen prezante eskiz mwen bay peyi a. Mwen fè tout sa m te kapab nan djob sa a. Men nou voye yon mesaj klè ke gouvenman Britanik la dwe chanje e jijman pa w se sèl jijman ki konte. Mwen tande kolè nou, desepsyon nou e mwen pran responsabilite pou echèk sa a."
Apre sa, Sunak tal nan palè Buckingham lan kote li te prezante demisyon li bay Wa Charles III.
