Pou kaskadè fanm yo, Hollywood pa gen bon dosye ditou - sitou pa rapo ak sa yo ki kondui machin nan film yo.
Sa lakoz yon gwoup medam fome Asosyasyon Chofè Fanm yo - ki se premye gwoup kaskadè nan listwa ki fèt espesyalman pou chofè pwofesyonèl fanm yo.
Olivia Summers te vinn ak ide pou kreye oganizasyon sa a. Lap travay kom kaskadez nan sinema depi 20 an. Ou ka wè non li nan film popilè tankou: "Bridesmaids" ak "The Flight Attendant". Men mamzèl te byen desi ke se chofè gason ke yo konn anplwaye anpil fwa pou pran poz fanm yo nan plizyè film. Li sonje yon move eksperyans konsa ke li rakonte nou.
SOT OLIVIA SUMMERS - Fondatris Asosyasyon Chofè Fanm
VOICE OVER: Asosyasyon Chofè Fanm la te kreye apre yon rankont pwodiksyon ki pat bon ditou ke m te genyen ak yon producer ki tap tounen yon reklam le moun sa a di "Oh mwen pat konnen te gen chofè fanm. Nou te anik mete yon perik sou tèt yon nèg. Sa te fristrem anpil paske kijan nèg sa a pat konnen - oubyen eske se manti lap bay.
Papa m te fèk mouri donk mwen te monte volan machin mwen epi m di "papi tanpri edem. M pa konn sa pou m fe. --Paske papam te yon gwo fanatik tout sam fè. E lè mwen pase kle a mwen te tande yon vwa ki di " kreye yon ekip chofè kaskadè fanm - paske tout lot ekip yo se gason ki dominen yo.
A vrè di se pa fi sèlman ki fè fas ak pwoblèm sa a. Gen yon taktik ki rele "paintdown" tou kote yo penn figi oubyen ko kaskadè a nwa oubyen mawon si yap double yon aktè ki pa blan.
SOT OLIVIA SUMMERS
VOICE OVER Patnè mwen ki malerezman pa la jodia, Dee Bryant, se youn nan pi bon kaskadez nan endistri a. Li se yon nwa Amerikèn e li fè fas ak paintdowns yo tout tan."
Gason reprezante twa-ka kaskadè yo - medam yo reprezante yon ka dapre sendika aktè sinema yo - SAF-AFTRA.
Malgre sendika a gen règ ki di fok pwodiksyon an chache chofè fanm ak kaskadez pou wol feminen epi vise vèsa, kowodonatè kaskadè yo ka eskive règ sa a si yo di yo chache tout kote e yo patka jwenn okenn fanm.
Dapre règleman SAF-AFTRA yo fok kowodonatè kaskadè yo konsilte sendika a si yo paka jwenn yon kaskadè ki koresponn ak wol la - men li ra pou yo fè sa, Summers deklare.
Naoki Kobayashi se PDG Drift 101.
SOT NAOKI KOBAYASHI - Pwopriyetè Drift 101
VOICE OVER: "Fok sa chanje. M kwè nou bezwen respekte moun epi wè tout moun kom egal ego epi seleksyon an dwe baze sou talan yo pa paske yo gen eksperyans. Fok nou louvri pot la. Endistri a komanse soufri akoz de sa e fok yo jwen nouvo fason pou abode endistri a, moun, pèfomè yo tout sa an jeneral.
Fomasyon pou travay kom kaskadè koute chè tou, dapre Summers. Li di fok moun kap travay nan endistri sa a rete anfom epi fok yo pèfeksyone talan yo antanke chofè.
Summers di li te depanse 18,000 dola premye ane travay li kom chofè. Li esplike rezon ki fè sa koute chè konsa se paske kawotchou konn pete, motè konn gen pwoblèm fok yo ranje tout sa.
Inegalite ant gason ak fi yo konn afekte salè yo tou, dapre kaskadez Ashlei Tave.
SOT ASHLEI TAVE - Kaskadez
VOICE OVER: Yo banou sak rele yon ajisteman - ki baze sou difikilte kaskad la, talan w, konbyen fwa ou oblije fè l e mwen konn wv gason yo resevwa yon pi gwo ajisteman pase medam yo pou menm pèfomans la. Apa sa kontra nou tèt koupe youn ak lot. Se ajisteman an ki fè diferans la."
Tave di li pwofite pèfomans li pou elimine fristrasyon l.
SOT ASHLEI TAVE - Kaskadez
VOICE OVER: Sa motive w pou w travay pi di, antrene plis, fe moun konnen w, fè moun konnen repitasyon w, ke ou bon ou konn sa wap fè e ou disponib pou travay. "
