Blinken, ki t ap pale nan yon konferans pou laprès nan Prag, kapital peyi Tcheki, apre yon reyinyon ki pa ofisyèl ant minis afè etranjè Òganizasyon Trete Nò Atlantik la yo, di ke desizyon Washington nan, yon chanjman enpòtan nan politik Biden, se rezilta estrateji Etazini pou ajiste li epi adapte ak sa kap pase sou chann batay la.
Blinken di ke yon somè Òganizasyon Trete Nò Atlantik ki pwal dewoule nan Washington, pwal "tabli yon pon" pou mete Ikrèn pi pre ak posiblite pou li antre nan alyans lan, epi tou prezante yon "antant solid" pou sipòte Kyiv.
Yon lòt kote, Blinken reponn kesyon sou sitiyasyon imanitè a nan Gaza, kote li di pa gen ase distribisyon èd akoz batay ki ap dewoule nan sid la.
Li kontinye pou li di ke Etazini ap travay anpil pou reponn bezwen sivil yo nan Gaza.
