Pwojè-lwa a, ke yon gwoup senatè tou 2 pati yo te negosye, pifò Repibliken te deja rejte li nan mwa Fevriye pase lè yo te konekte li ak yon pwogram èd etranje pou Ikrèn, Izrayèl ak lòt alye Etazini.
Men alòske imigrasyon ak sekirite fwontyè a tounen youn nan prensipal sijè nan eleksyon ane sa a, Demokrat yo ap chache yon repons pou pakèt atak Repibliken yo, ki gen nan tèt yo posib kandida prezidansyèl pati Repibliken an Donald Trump.
Pandan yon majorite Demokrat nan Sena a te sipòte ankò lide vòt la ayè jedi a, pwopozisyon an tonbe 43 vwa pou ak 50 vwa kont. An Fevriye pase, yon vòt tès te soti 49-50 – kidonk li pa te rive gen 60 vwa ki nesesè pou li te vanse.
