Pwosè a ki pwal fèt nan tribinal federal vil Oklahoma defye yon lwa ki kalifye kòm krim nan nivo eta – ak pinisyon 2 zan prizon – lè moun viv nan Oklahoma san yon estati imigrasyon legal. Kèk lwa menm jan an ki te pase nan eta Texas ak Iowa deja ap fè fas ak defi Depatman Jistis.
Oklahoma se youn nan plizyè eta ke Repibliken kontwole ki ap antre pi fon nan efò pou fè respekte lwa imigrasyon. Eta Florid, Jòji, ak Tennessee pase lòt pwojè-lwa ane sa a ki vize migran.
