Vedèt baskètbòl feminen Ameriken Brittney Griner deklare depi liberasyon li nan prizon Ris la sa gen 17 mwa desa, li sèvi ak platfòm li antanke loreya meday lò ak jwèz All-Star lig WNBA a pou l mande retou tout Ameriken yo fèmen nan prizon lòt bò dlo.
Li rankontre Prezidan Joe Biden 2 fwa.
Mitan an ki mezire 6 pye 8 de wote - setadi 207 santimet - di priyorite li chanje. Li koupe dred li yo ke li patka mentni pandan li te femen nan prizon.
Pandan anpil jwè WNBA a patisipe nan konpetisyon entènasyonal pou ajoute sou salè anyèl yo, Griner di sèl fwa lap janm jwe nan peyi etranje ankò se ak ekip baskètbòl Etazini.
Griner di Associated Press li konsilte yon terapis regilyèman pou jere enpak 10 mwa li te pase fèmen nan prizon apre arestasyon li nan ayeropò Moskou a nan mwad Fevriye 2022.
Li di li mete otan enfòmasyon ke l te kapab sou detansyon li ak kondisyon lavi li nan liv la. Li di kek nan bagay yo pral choke moun.
Li pataje detay eksperyans la nan liv li ki rele "Coming Home" (tounen lakay), ki pral soti Madi.
