Pandan yo t ap enstale Konsèy la, moun te ka tande kout zam otomatik ki t ap chante anba lavil Pòtoprens, toupre Palè Nasyonal la, ak nan Delmas ki nan banlye kapital la, pou fè sonje yon malgre kèk pwogrè politik ki fèt ak prekosyon, popilasyon an rete kwense anba vyolans.
Pierre Alix Abraham, ki se Direktè yon sant kominotè, pale de kòman kriz ensekirite a afekte sistèm edikasyon an. Li di : "Se sektè edikatif la ke ensekirite a plis afekte. M kapab di sanble pifò aktivite kontinye ap mache.
Men nan zòn sa, se sanzatann ou ka tande tire. Donk la nou pa gen on estrateji vrèman, nou sèlman eseye kalme timoun yo pou yo pa twò panike lè gen tire yo. Si gen tire nou pa kite yo sòti."
Guteau Leblanc ki se profesè ekonomi nan lekòl la di se on sityasyon ki tris : "An nou di ke nou pa ka lage timoun yo. Kèlkeswa sikonstans lan fòk nou fè yon jan pou yo, paske lage yo, se tout ane lekòl la yo ap pèdi. Pou timoun yo pa pèdi ane a, ou oblije moute kanson w nan tay ou."
Elèv Claudine Mathieu ki nan klas tèminal di li pa santi li alèz nan sityasyon sila : "Mwen se yon moun ki malad nan kè, a chak fwa mwen tande tire, sa pa fè'm byen, m oblije kouri al kache paske m pa konn kote bal ap soti."
