Aksyon lapolis la te dire kèk èdtan, kote yo mache sou prensipal kan-an e rale plywood, kloti an metal ak tant.
Manifestan yo, ki reklame pou inivèsite a sispann envesti ann Izrael, chante slogan ki di « manifestasyon pasifik », pandan polisye ak kas nan tèt yo e ak mas pou pwoteje figi yo, ak baton, te pouse moun fè yo kite zonn nan.
Lapolis arete moun tou nan inivèsite nan eta New Hampshire ayè mèkredi a ak bonè maten an, epi nan Inivèsite Columbia nan New York, e nan Inivèsite Texas nan vil Dallas, elatriye.
Prezidan Joe Biden te fè yon diskou kote li di Etazini pa yon nasyon otoritè, ke moun gen dwa eksprime yo, men ke pa gen pwoteksyon pou manifestasyon vyolan. Li di moun gen dwa etidye nan inivèsite yo pou yo pran degre san yo pa tande pawol rayisman ni kont Izrayèl, ni kont Islam, ni pawòl diskriminasyon kont Arab ameriken.
