Ansyen senatè ak gouvènè eta Florid, Bob Graham mouri a laj 87 an.
Misye te dirije Komisyon Ransèyman Sena a apre atak teworis 2001 yo. Li te opoze envazyon Etazini nan Iraq.
Fanmi li anonse nouvèl la sou rezo X Madi. Se pitit fi li, Gwen Graham ki siyen mesaj la.
Graham te sèvi 3 manda nan Sena a epi 2 manda kom gouvènè Florid.
Li te tante chans li san siksè pou nominasyon a la prezidans pati Demokrat la an 2004. Nan epok la misye te mete aksan sou opozisyon li vizavi envazyon Iraq la.
Sepandan li te oblije fè yon poz nan kanpay li an Janvye 2003 akoz yon operasyon kè epi apre sa li pat janm ka ratrape momentom li ak elektè yo pou ranpote la viktwa.
Misye pat chache re-eli an 2004, e Repibliken Mel Martinez te ranplase l.
