Mwayen Oryan
- Serge Michel
Tiki Enpoze Restriksyon Komèsyal sou Izrayèl
Tiki fè konnen jodi madi a li enpoze restriksyon komèsyal sou Izrayèl ki konsène yon pakèt pwodui, pou jouk Izrael deklare yon kanpo nan batay yo nan Gaza.
Restriksyon yo fèt sou komès nan 54 kategori, pami yo fè, asye, siman, esans pou avyon ak angrè.
Aksyon sa a vini yon jou apre Izrayèl te bloke yon demann Tiki pou li lage èd nan Gaza etan nan avyon. Plizyè peyi lage èd konsa pou chache kontre sa ke òganizasyon imanitè yo di ki se yon mak aksè sou fwontyè atè pou yo pote èd ke moun nan Gaza bezwen anpil.
Minis Afè Etranjè Izrael Katz pwomèt pou li reponn ak mezi menm jan an kont Tiki.
Katz poste sou rezo sosyal X ke Prezidan Tiki Recep Tayyip Erdogan ap sakrifye « enterè ekonomik pèp Tiki a pou satisfè sipò li pou asasen Hamas yo nan Gaza. »
See all News Updates of the Day
Prens Eritye Arabi Sawoudit la Gen Entansyon Envesti 600 Milya Dola Ozetazini
DUBAI, Emira Arab Ini (AP) — Prens eritye Arabi Saoudit la di li vle envesti 600 milya dola Ozetazini pandan 4 ane kap vini yo. Li te pran desizyon saa apre Prezidan Donald Trump te anonse nan biwo Oval la li gen entansyon retounen nan wayòm wahabit la, nan kad premye vwayaj li nan peyi etranje.
Deklarasyon Prens Mohammed bin Salman nan, ke ajans nouvèl leta sawoudyen an te rapòte byen bonè jedi a, te fèt pandan prens la tap pale nan telefòn ak prezidan Donald Trump.
Lendi apre li te fin prete sèman, Trump te pale sou posiblite pou l ale nan Arabi Sawoudit ankò kòm premye vwayaj li aletranje, menm jan li te fè sa an 2017.
Operasyon Izrayel Lanse nan Sisjòdani Menase Seselfe a
Lame Izrayelyen an lanse yon operasyon nan Sisjòdani ki vize "teworis" nan zòn nan, ki mete an danje seselfe li sot siyen ak Hamas la.
Trèv Izrayèl - Hamas : Izrayèl Anonse li Libere 90 Prizonye Palestinyen
Izrayèl anonse pandan nan nwit dimanch pou leve jodi lendi a li lage 90 prizonye palestinyen nan kad premye echanj prizonye yo te prevwa nan ako trèv avek Hamas la, apre mouvman Islamis la te lage 3 otaj israyelyen ki te femen nan Gaza.
“Aswè a, 90 teroris jwen libète yo nan prizon militè Ofer la nan Sisjodani okipe a, ak yon sant detensyon ki nan Jerusalem," dapre yon kominike biwo ki responsab prizon nan peyi Izrayèl la.
3 Otaj Rive Izrayèl Pandan Seselfe a Franchi Premye Etap li
3 otaj Hamas te kenbe nan Gaza tounen Izrayèl nan premye defi seselfe frajil ant Hamas ak Izrayèl la.
Otaj yo se: Romi Gonen, 24 an ke yo te kidnape pandan festival mizik Nova a, Emily Damari 28 an, ak Doron Steinbrecher, 31 an ke yo te kidnape nan Kibbutz Kfar Aza.
Pi ta Dimanch, Izrayèl sipoze libere apepre 90 prizonye Palestinyen.
Antant ki siyen an gen ladann liberasyon o fu e a mezi 33 otaj pandan 6 semèn kap vini yo.
An echanj, Izrayèl pral lage prèske 2,000 prizonye Palestinyen ak Palestinyen nan Gaza ke yo te arete.
Seselfe a ogmante espwa dèske yap kapab mete fen nan lagè a kap dewoule depi 15 mwa.
Putin ak Tokay Iranyen li Massoud Pezeshkian Siyen Yon "Akò Patenarya Estratejik"
Prezidan Ris Vladimir Putin ak tokay Iranyen li a Massoud Pezeshkian siyen yon "akò patenarya estratejik" nan Moskou.
Dapre jounalis AFP yo, trete a make yon nouvo rapwòchman ant 2 peyi yo, ki gen relasyon ostil ak peyi Loksidan yo.
Kontni akò a poko piblik, men Vladimir Putin akeyi akò a "ak yon objektif anbisye" apre yo fin siyen dokiman sila.
Li te deklare "Lyen ki genyen ant 2 peyi nou yo se konsiderab ak mityèlman benefisye."
Facebook Forum