Sekretè d Eta Ameriken Antony Blinken rankontre tokay Franse li Stéphane Séjourné nan vil Paris Madi.
Séjourné eksprime kondanasyon li pou atak Izrayelyen ki koze lanmo 7 anplwaye oganizasyon charite World Central Kitchen nan Gaza.
Pami travayè ki mouri Lendi te gen 3 sitwayen Britanik, yon Ostralyen, yon Polonè youn ki te gen doub nasyonalite Ameriken ak Kanadyen epi yon Palestinyen dapre dokiman lopital yo.
Blinken dekri travayè yo tankou "ewo".
" Viktim atak ye a rejwenn yon kantite reko travaye imanite ki mouri nan konfli sa a an patikilye. Moun sa yo se ewo. Yo kouri nan direksyon dife a olye yo kouri pou li. Yo reprezante meye kalite imanite ka ofri le bagay yo vreman difisil. Fok nou pwoteje yo."
Blinken fè konnen tou Etazini ap travay de jou an jou pou efektivman anpeche transfè zam ak materyo nan La Risi pou anpeche lagè Ikrèn nan pran plis anplè.
Pi bonè nan jounen an, Blinken te vizite yon faktori zam nan Versaille ansanm ak Minis Defans Franse a, Sébastien Lecornu.
Apre sa li te vizite katye jeneral UNESCO (Ajans Nasyonzini pou Edikasyon, Syans ak Kilti). Vizit la dewoule 9 mwa apre Etazini te rejwenn ajans la. Li te fe chita tande ak direktris jeneral la Audrey Azoulay.
"Se yon plezi pou m tounen UNESCO e Lezetazini kontan manm UNESCO anko epi manm Komisyon Egzekitif la. Mwen konnen e mwen deja we ke gan anpil bagay nou ka fe ak UNESCO pa rapo ak yon ajanda ki esansyel pou moun toupatou nan mond lan."
UNESCO, ki gen 193 peyi manm jwe yon wol enpotan nan etablisman standar pou entelijans atifisyel ak edikasyon sou teknoloji.
