Prezidan liberteryen Ajantin nan Javier Milei akeyi diplomat pi wo plase Etazini an, Antony Blinken Vandredi. Blinken se responsab pi wo plase Ameriken ki al vizite Ajantinn depi Milei te pran pouvwa a nan mwad Desanm nan. Nan moman sa a misye te sèmante pou l aplike yon "terapi chòk" pou stabilize ekonomi peyi a ki an degraba.
Le jounalis nan palè prezidansyèl Casa Rosada yo mande l ki mesaj li genyen pou Etazini, Milei te reponn pou di "Ajantin deside pou l retounen kanpe bò kote l oksidan, kote pwogre a, demokrasi e sak pi enpòtan - libete."
Sekrete d Eta Blinken deklare pandan yon konferans pou lapres pi ta ke Washington we opòtinite pou envestisman "ekstraòdine" an Ajantin e li vle pou konpayi Ameriken yo rete kòm premye chwa Ajantin le peyi a ap chwazi patne komesyal.
Blinken te diskite sou konfli Gaza a ak defi ki poze nan Venezyela ak Ayiti pandan vizit la.
