Atak sa ki fè madi andan lopital la montre ke vyolans lagè Gaza a gaye sou teritwa palestinyen sa a.
Ministè Sante Palestinyen an di fòs Izraelyen yo louvri katouch andedan lopital Ibn Sina nan vil Jenin.
Yon pòtpawòl lopital la di pa te gen okenn boukantay katouch, sa ki endike ke solda yo te antre nan lopital la pou touye palestinyen sa yo.
Lame Izrael la di ke militan yo t al kache nan lopital la. Ajans nouvèl Associated Press fè konnen lame a pa bay okenn prèv pou akizasyon kòmkwa militan yo t ap itilize lopital la pou pwoteksyon yo.
Lame a fè kwè ke palestinyen ke yo elimine yo tap transfere zam ak minisyon bay lòt militan, pou yon atak ke yo te.planifye pou fè nan jou kap vini yo.
