Wa Charles III Pral Sibi yon Operasyon nan Pwostat Semèn Pwochèn; Kate ap Rekipere Apre yon Operasyon nan Vant

Palè Buckingham fè konnen Prensès de Gal la entène lopital apre li te sibi yon operasyon nan vant ki te planifye e ke li pral rete kouche nan Klinik Prive Lond la pou jiska 2 semèn.

Palè Buckingham limenm revele kèk minit apre ke Wa Charles III pral sibi yon "pwosesis korektif" semèn pwochèn pou yon pwostat ki gonfle.

Palè a di kondisyon wa a benen (savledi se pa kansè).

Dapre palè a, wa a ki gen 75 zan, tal suiv tretman pou pwostat li ki te anfle menm jan ak plizyè milye gason ki fè sa chak ane.

Prensès Kate limenm ta sipoze reprann travay ofisyèl li apre fèt Pak la.

Futu rèn nan te entène nan Klinik Lond la Madi semèn sa a.