Prezime responsab fiziyad la te gen yon fizi ak yon zam e li te ouvri kout zam nan yon lekòl segondè, sa ki te lakoz lanmò yon elèv sizyèm ane e li te blese 5 lòt.
Gen plizyè elèv nan lise Perry High School la ki te barikade tèt yo nan sal klas yo ak biwo yo, yon fason pou yo kapab kenbe tèt yo an sekirite.
Otorite yo fè konnen youn nan blese yo se te yon administratè lekòl la e yo te jwenn sispèk la mouri, aparamann li te blese pa bal. Envestigatè yo ap gade ki motif posib ki te koze prezime sispè fè aksyon sila, yo ap revize mesaj li pibliye sou rezo sosyal yo.
Manman 2 zanmi sispè a te pale ak ajans nouvel Associated Press pou di sispèk la se yon moun ki trankil, e yo di timoun lekol yo te konn anmèdel li pandan plizyè ane.
