Minis afè etranjè Ekwatè a, Gabriela Sommerfeld rankontre Sekretè Deta Etazini Antony Blinken nan Depatman Deta a semèn sa a.
Blinken felisite Sommerfeld pou nouvo posizyon li epi pale sou kowoperasyon rejyonal ant Etazini ak Ekwatè sou divès kestyon. Li pale tou de wòl Ekwatè ap jwe aktyèlman nan Konsèy Sekirite Nasyonuzni an.
"2 peyi nou yo benefisye de plizyè dizèn ane kowoperasyon - e nou konstate ke kowoperasyon sa a fèt nan nivo bilateral. Nou konstate l nan nivo rejyonal e nou menm wèl nan nivo entènasyonal. Pa egzanp Ekwatè ap dirije Konsèy Sekirite LONU an kounyela a. Epi nap travay ansanm sou kestyon migrasyon, defi emisferik tankou sityasyon Ayiti, epi ajènda global LONU an. Bagay sa yo trèz enpòtan. Nou apresye kolaborasyon an."
Sommerfeld bò kote pa li te pale de kowoperasyon ant Etazini ak peyi li, Ekwatè sou kestyon tankou sekirite, ekonomi an ak imigrasyon.
"Mèsi anpil pou fason ou akeyi delegasyon Ekwatoryèn nan. Li trèz enpòtan pou Ekwatè fè premye vwayaj etranje nouvo administrasyon an Ozetazini pou montre enpòtans nou bay Etazini nan domèn kowoperasyon kestyon bilateral, ranfòsman sekirite, kestyon ekonomik ak imigrasyon. Donk mèsi anpil pou akèy la."
