Film "Barbie" sineyas Greta Gerwig la dominen nominasyon pou pri Glob d Or yo ane sa a - a savwa 9. Pami nominasyon li pran yo genyen meye film mizikal ou komedi epi akte prensipal yo, Margot Robbie ak Ryan Gosling ranpòte nominasyon pou meye akte ak aktris ane a. Met sou sa, "Barbie" ranpòte 3 nominasyon pou mizik orijinal li yo.
Dezyem film ki ranpòte plis nominasyon se "Oppenheimer" - a savwa 8. Pami yo gen meye film dramatik epi meye aktris ak akte pou Cilian Murphy, Robert Downey Jr. ak Emily Blunt, ki jwe wòl prensipal yo.
Nouvo komisyon ki jere nominasyon yo pi gwo e li gen moun dives ras ladann - ki se yon chanjman apre kritik te tonbe sou do òganizasyon an pou di se blan selman ki nan komisyon ki deside nominasyon yo.
Se lendi yo te anonse nominasyon pou pri yo pral distribye 7 Janvye nan Beverly Hills, Kalifòni.
