Otorite ameriken yo di yo pran sanksyon kont ansyen Premye Minis Jean-Max Bellerive, ak 2 ansyen senatè - a savwa Nenel Cassy ak Herve Fourcand. Etazini di li pran sanksyon kont 3 politisyen Ayisyen sa yo paske yo te itilize fonksyon piblik yo pou patisipe nan zak koripsyon.
Sanksyon Depatman Deta yo sible fanmi kèk nan politisyen sa yo tou:
Jean-Max Bellerive - Ex-Premye Minis ak Minis Planifikasyon ak Koperasyon Ekstèn Ayiti
Dapre Seksyon 7031(c) , Depatman Deta ap deziyen piblikman Bellerive pou abi. Li te itilize fonksyon piblik li pou li te patisipe nan aktivite koripsyon ki febli entegrite gouvènman Ayisyen an.
Nan kad aksyon sa a, Depatnam Deta di li pran sanksyon kont manm fanmi imedya Bellerive yo, pami yo madanm li Myriam Estevez De Bellerive ak pitit fi li yo Diana Jennifer Bellerive ak Jessica Bellerive.
Nenel Cassy - ansyen Senatè
Dapre Seksyon 7031(c), Depatman Deta ap deziyen piblikman Cassy pou abi pouvwa apre li te itilize fonksyon piblik li te geyen pou patisipe nan aktivite koripsyon ki te minnen entegrite gouvènman Ayisyen an. Depatman Deta pran sanksyon kont mandanm li Katherine Cassy Chery ak tout yon timoun yo genyen ansanm ki se minè.
Herve Fourcand - ansyen Senatè
Dapre Seksyon 7031(c), Depatman Deta ap deziyen piblikman Fourcand pou abi pouvwa apre li te itilize fonksyon piblik li te genyen pou patisipe nan aktivite koripsyon ki te febli entegrite gouvènman an Ayisyen an.
Mesye sa yo vin fè pati yon lis sitwayen ke gouvènman Ameriken sanksyone. Sou lis sa a nou jwenn tou ansyen Prezidan Chanm Depite Ayiti a Gary Bodeau ak ansyen Premye Minis Laurent Lamothe.
