Loïc Lawson, direktè piblikasyon jounal Flambeau des Démocrates, ak Anani Sossou, jounalis endepandan, tou 2 mesye sa yo nan prizon nan Lomè aprè yo te pibliye "enfòmasyonki gen rapò ak disparisyon yon sòm 400 milyon fran CFA (604.875 ero) ke yo di yo volè kay yon minis.
Magloire Têko Kinvi ki se editè-an-chèf Le Flambeau des Démocrates di AFP.se kay Minis Deta, Minis Planifikasyon Iben, Lojman ak Refòm Tè, Kodjo Adedze, ke yo te volè kòb la.
2 jounalis yo fè konnen sou rezo yo ke minis la te viktim yon vòl ki vo a 400 milyon FCFA.
Apre, yo te retounen sou deklarasyon yo, yo eksplike nan Lendi sou Facebook ke "apre ankèt ak sous ki pwòch yo pale di yo ke kantite lajan an pa ta rive nan sòm total 400 milyon FCFA".
Apre yon plent minis la te depoze, yo te konvoke 2 jounalis yo nan Brigad Rechèch ak Envestigasyon (BRI) nan Lome kote yo te prezante yo lendi e yo "yo te kesyone pandan plizyè èdtan, e yo te kenbe yo pou difamasyon ak atak sou onè minis la .
Fabrice Pétchezi, prezidan Obsèvatwa Medya Togolès (OTM), te di AFP. ke gen "Diskisyon ki ap fèt pou yon jwenn yon rezilta amikal ant minis laak kòlèg li yo,"
Nan mwa mas pase a, 2 jounalis togolè te jwenn kondanasyon pou yo al pase 3 ane nan prizon pa gwo tribinal Lome a, sitou pou "mepri otorite" e "pwopagasyon gaye manti sou rezo sosyal".
