Vizit sa a fè pati de dènye seri echanj wo nivo diplomatik ant Moskou ak Pyongyang ki te kòmanse nan mwa Jiyè pase a.
Avyon Kozlov la te rive byen bonè madi a, epi gen plizyè otorite Nò Koreyen ke Jounalis AP yo pa rive idantifye ki te vin akeyi delegasyon Ris la nan ayewopò Pyongyang la.
Kozlov se te ofisyèl Ris la ki te premye moun pou akeyi lidè Kore di Nò Kim Jong Un nan dènye vizit li te fè nan Larisi nan mwa septanm nan.
Kore di Nò ak Larisi te diskite sou koperasyon ekonomik pou plizyè ane.
Sa gen kèk semèn de sa, otorite Ameriken yo te di Kore di Nò te voye zam pou ede Larisi nan envazyon li nan Ikrèn.
Otorite Kore di Nò yo pa anonse ajenda pou vizit sila a, ni yo pa di non plis konbyen tan Kozlov ap pase nan peyi a.
