Pami mò sa yo genyen 2 swadizan asayan ki te atake prizon an, 4 manm fòs sekirite yo ak 2 moun ki te abò anbilans la, ki sanble sete sivil.
Laprès te rapòte ke asayan yo te boukante kout zam otomatik ak moun ki te abò amabulans la.
Mesye yo te atake prizon santral la nan kè kapital la nan koumansman jounen Samdi a epi yo te retire Moussa Dadis Camara ak twa lòt prizonye, pandan yo tou le kat nan jijman kounye a pou yon masak ki te fèt an 2009 sou prezidans li.
3 nan yo, pami yo kapitèn Dadis Camara, te rejwenn arestasyon yo menm jou a.
Yon katriyèm gason, Claude Pivi, ki pami prensipal akize yo nan pwosè a, rete nan mawon.
Pwokirè Jeneral la endike nan nòt pou laprès li a ke li lanse yon pwosè kont Moussa Dadis Camara ak twa moun ki anba kòd ansanm ak li, pou asasinay manm fòs sekirite yo ak omisid envolontè.
