Apepre 2 sou 3 Ameriken di depans fwaye yo ogmante pandan ane ki pase a men se sèlman youn sou 4 ki di salè anyèl la te ogmante pandan menm peryòd tan an.
Yon nouvo sondaj ke Associated Press fè ansanm ak Sant NORC pou Rechèch sou Zafè Piblik jwenn rezilta sa yo.
Nan moman kote depans moun ap fè yo depase lajan yap antre, anpil Ameriken eksprime kè sote yo genyen pou avni finansye yo.
Sak pi rèd la, pi fò Ameriken konsate lajan yo dwe pou acha yo fè pou kay yo se yon bagay yo paka elimine.
Gen apepre mwatye moun ki patisipe nan sondaj la ki di yo dwe kat kredi yo lajan. Gen 4 sou 10 ki di yo dwe konpayi otomobil yo lajan. E ge youn sou 4 ki di yo gen dèt medikal.
Gen sèlman 15% moun yo ki di lajan yo ekonomize pou jere fwaye yo ogmante pandan ane ki pase a.
