Premye rezilta yo nan eleksyon primè a nan Venezuela endike lendi ke ansyen palmantè Maria Corina Machado se gayan nan opozisyon an ki ka fè fas an 2024 ak Prezidan Nicolas Maduro ki nan pouvwa a depi 2012.
Rezilta eleksyon yo te gen reta akoz pwoblèm teknik, dapre otorite yo, e kontaj vwa yo ap kontinye.
Anpil moun te prevwa Machado t ap genyen eleksyon primè a. Eske yo ap kite l kanpe devan Maduro, se tann pou nou tann repons kesyon sa a.
Anvan eleksyon an, Maduro te jwenn yon antant ke Etazini te apiye, sou kèk kondisyon pami sa ki pi enpòtan yo, ki te fè Etazini leve kèk sanksyon enkonomik ke li te mete sou Venezuela.
Pandan gouvènman Maduro a te dakò pou opozisyon an chwazi kandida pa l, Maduro li-menm te bloke Machado pou li pa kandida pou okenn pòs.
Li ka wete entèdiksyon ki sou aktivite politik Machado akoz, li di, manmzèl anba swadizan vyolasyon pou koken nan peye taks, e akoz fwòd.
