Gaetz depoze pwopozisyon an lendi, sa ki pare teren pou yon vòt nan jou ki ap vini yo.
McCarthy te moutre ke li pa bay defi a enpòtans nan yon mesaj sou X, ki te rele Twitter anvan sa, kote li ekri, “pote li vini. »
Yon vòt pou chavire McCarthy ta mande yon majorite senp nan chanm nan ki gen 435 manm. Repibliken yo kontwole chanm nan ak yon majorite 221-212 sou Demokrat yo ki nan opozisyon.
Gaetz lanse defi sa a kèk jou apre McCarthy te konte sou vòt Demokrat yo pou li pase yon mezi pou yon ti bout tan pou gouvènman federal-la pa fèmen.
McCarthy te moute lidè Chanm nan an Janvye apre plizyè seri vòt kote Gaetz ak lòt Repibliken te kont kandidati li. Yo te bay McCarthy yon chans men sou kondisyon ke nenpòt manm pou kont li ka mande yon vòt pou mete lidè a atè.
Pako janm gen yon ka kote yo wete yon lidè Chanm Reprezantan an.
