Mango anonse li pral lanse operasyon - e-komès li nan peyi tankou Senegal, Ghana, Etyopi, Zimbabwe, Mali, Ouganda, ak Madagascar. Magazen sa a ofri rad pou fanm, gason ak timoun.
Mango deja gen yon prezans nan plizyè peyi nan rejyon Afrik la, atravè 54 magazen ak kontra pou franchiz.
Mango anonse tou li pral lanse operasyon an liy pou Ayiti, Repiblik Dominikèn ak Bèrmud. Pi bonè ane sa a, Mango te lanse yon sit komèsyal nan Brezil.
Lavan li an liy te reprezante 36% revnu li pou ane 2022, ki vo apepre 960 milyon euwo. Lavant total li pou ane a sete 2,68 milya euwo, dapre done Mango pibliye.
Konpayi a, ki opere nan 115 mache toupatou nan mond lan, gen entansyon louvri plis magazen Ozetazini ak End ane sa a. Li pral gen 40 magazen Ozetazini epi 110 nan peyi End.
Pou kounyea, Mango gen 2,615 magazen nan mond lan.
