Lidè Kore di Nò a, Kim Jong Un rive nan Larisi nan yon tren blende pou rankontre Prezidan Vladimir Putin.
Se yon vizit ki ra anpil kap fèt ant 2 lidè izole. Mesye yo vinn rapwoche akoz bezwen yo genyen pou apui nan moman yo dozado ak L Oksidan.
Dapre nouvèl yo, Kim pral chache asistans ekonomik ak teknoloji militè nan men Larisi.
Tren Kim nan te fè eskal nan Khasan, yon stasyon tren ki sitye sou fwontyè Larisi pataje ak Kore di Nò a, kote yon gad donè militè te rankontre li ansanm ak yon okès. Videyo minis resous natirèl Ris la ak yon gouvènè rejyonal pibliye sou rezo sosyal yo montre arive ak akèy Kim nan. Genyen manm pati ki o pouvwa a, responsab gouvenman an ak otorite milite ki akonpaye Kim pandan vizit sa a.
Sanble Kim gen yon bagay Putin bezwen an tout ijans: an palan de minisyon pou sèvi nan lagè lap mennen kont Ikrèn nan.
Destinasyon final Kim pa seten. Anpil moun te kwe li tapral rankontre Putin nan Vladivostok, ki se yon vil Ris ki sitye tou pre fwontye a. Se la lide yo te rankontre an 2019, e Putin te ale nan vil la semen sa a pou asiste yon fowom ekonomik.
Sepandan yon pot pawol Kremlen an, Dmitry Peskov konfime selman ke Kim rive Larisi. Pi ta, ajansnouvel leta RIA-Novosti te di tren an te pran direksyon no a apre li te travese flev Razdolnaya a - ki pa nan menm direksyon kote Vladivostok sitye a.
