Tanpèt Twopikal Fanklin koze gwo inodasyon ak lavalas nan Repiblik Dominikèn Mèkredi apre li te rape rejyon sid peyi a.
Omwens yon moun mouri e 2 lot blese.
Otorite yo di gen yon moun ki disparèt.
Tanpèt la te komanse deplase ta Mèkredi epi kite zile Hispaniola a ke Repiblik Dominikèn pataje ak Ayiti, apre li lage gwo lapli sou zon nan pandan plizyè hè d tan.
Argentina Guzman abite nan yon zon tanpèt la inode:
" Tout dlo ki soti anle a ap desann isit la."
Rivyè yo te gonfle toupatou pandan ekip defans sivil Repiblik Dominikèn tap bat pot nan zon ki pi nan risk yo pou mande moun deplase pou al nan zon ki pi su oubyen nan abri.
Santa Gonzalez di li gen kè sote pou dega move tan an pral koze:
"Mwen pè pou m pa pèdi tout byen mwen. Mwen krenn ke moun pral mouri."
Sant Operasyon Dijans Repiblik Dominikèn nan di gen 312 moun yo transfere nan abri. Li di gen 25 pwovens ki anba alèt wouj epi 7 lot gen alèt jon.
Sant Nasyonal Ouragan an predi move tan an, kap deplase dousman, pral kontinye koze gwo lapli Jedi, ak posibilite pou gen inodasyon ak eboulman nan rejyon santral Repiblik Dominikèn.
