Lame Ikrenyen an rapòte yon ogmantasyon nan atak Larisi ap fè nan rejyon Kharkiv nan jou ki pase yo.
Gouvènè Oleksandr Prokudin di sou app mesaj Telegram lan, "Yon nwit difisil pou Kherson... Lame Ris te kontinye bombarde kay rezidan Kherson nan pati santral vil la.
Prokudin, ki te pataje yon videyo sou konsekans atak la, di ke bonbadman an te kòmanse nan zòn minwi e te dire plizyè èdtan.
Ikrèn te repwann vil Kherson ak kèk pati nan rejyon Kherson nan mwa Novanm pase apre plizyè mwa anba kontwòl Larisi, men fòs Larisi yo pa sispann atake vil sa ak zòn ki antoure li pa lòt bò Flèv Dnipro.
Mwa sa a yon doktè pèdi lavi li e 5 travayè medikal blese nan bonbadman Ris sou yon lopital nan Kherson.
Larisi demanti ke li fè espre vize sivil oswa lopital pandan envazyon li nan Ikrèn, ki kounye a nan 18yèm mwa li e ki lakòz lanmò plizyè milye moun, ak detriksyon plizyè bouk ak vil Ikrenyen.
