Moun pa te ka jwenn siyal 2 medya sa yo depi Jedi apremidi, dapre kèk jounalis AFP nan Niamey.
Siyal estasyon Radyo RFI FM ak chèn televizyon France 24 koupe "sou lòd nouvo otorite militè yo", dapre sa yon fonksyonè wo-plase nan Nijè di AFP.
Lafrans kondane Jedi "ak tout fòs" desizyon pou sispann emisyon medya France 24 ak RFI nan Nijè.
"Lafrans reyafime angajman li san rete e ak detèminasyon anfavè libète laprès, libète ekspresyon ak pwoteksyon pou jounalis (...)" se sa Ministè Afè Etranjè fransè a deklare nan yon kominike.
