La Frans ap fè preparasyon pou l evakye sitwayen Franse ak Ewopeyen soti Nijè. La Frans di resòtisan sa yo ke yo pa dwe pote plis pase yon ti sak, apre on kou deta militè ke peyi Afrik de Lwès yo deplore.
Ministè Afè Etranjè franse nan Paris site zak vyolans ki te vize Anbasad Fransèz la kòm youn nan rezon ki fè lap evakye sitwayen li yo .
Desizyon an vini nan moman yon kriz politik ke kou deta semèn pase a deklanche, kote yo wetire prezidan demokratikman eli Mohamed Bazoum sou pouvwa a ap vinn pi grav.
2 peyi nan Afrik de Lwès ki gen lidè militè sèmante Lendi pou yo anpeche yon entèvansyon militè nan Nijè. Pandansetan, nouvo jent militè kap dirije peyi a ap chache konsolide pouvwa li.
Gen yon twazyem peyi nan Afrik de Lwès ki eksprime sipò li pou jent la Dimanch.
