Yon tranblemanntè ki te mezire 6,6 sou nechèl Richter la frape Lendi nan fon Oseyan Atlantik la tou pre rejyon nò Karayib la.
Dapre nouvèl yo sa te lakoz kèk bilding te souke lejèman.
Sèvis Jeyoloji Etazini an di sekous la frape Lendi ak yon pwofondè 10 kilomèt lanmè a.
Episant la te sitye a yon distans 274 kilomèt o nò-nòdès zile Antigua ak Barbuda.
Moun nan plizyè zile, pami yo Pòtoriko te santi sekous la.
Otorite yo pa rapòte okenn dega.
