Etazini ak LaChin gen gwo mezantant, se sa Yellen di nan anbasad ameriken an nan Peken, kote li pale de sa li rele pratik ekonomik ki pa jus, ak aksyon pou pini biznis ameriken ki ap opere an Chin.
Men Yellen ajoute ke li-menm ak Prezidan Joe Biden kwè ke mond la gran ase pou tou 2 peyi yo byen mennen. Etazini ak LaChin se 2 pi gwo ekonomi yo nan mond la.
Nan moman relasyon ant 2 peyi yo desann ba anpil sou kesyon sekirite ak komès, gwo zotobre nan tou le 2 peyi yo te rankontre nan semèn ki pase yo pou chache retabli relasyon pi nomal. Sekretè Deta Antony Blinken te vizite Peken, mwa pase a, premye vwayaj prensipal diplomat ameriken an sou Biden. Anvwaye sou kesyon klima John Kerry gen pou li vizite LaChin tou, mwa sa a.
