Potpawol Kremlen Dmitry Peskov di ke nan reyinyon an ki te dire 3 zèd-tan, Putin te bay evalyasyon li sou sa li rele evènman 24 Jen an, ki se dat rebelyon an, e li te tande komandan yo ki te rakonte sa ki te pase.
Peskov di ke komandan yo pwomèt pou yo kontinye batay pou LaRisi.
Wagner te patisipe nan envazyon LaRisi nan Ikrèn nan, e Prigozhin te kritike lidè militè LaRisi yo anvan rebelyon an kote foss Wagner yo te sezi pou yon ti bout tan katye jeneral komandman militè sid LaRisi a.
Rebelyon an te fini ak yon antant ke Prezidan Byelorisi, Alexander Lukashenko, te jwenn, ki te pèmèt Prigozhin ak konbatan li yo al viv nan Byelorisi.
--
