Lè yon pyès kanno tire yon bonm cluster, li lage plizyè douzèn ti bonm ki anvayi yon zòn byen laj. Yo ka bay pwoblèm menm byen lontan apre batay la fini. Plis pase 123 peyi entèdi izaj minisyon cluster akoz danje yo poze pou sivil, men Etazini, Ikrèn ak LaRisi pa entèdi yo.
Jeneral Brigad Patrick Ryder di ayè jedi a bonm cluster ka yon pati nan nouvo èd ke Etazini ap voye bay Ikrèn, e ke li pwal anonse jodi vandredi a.
Ikrèn ak LaRisi ap sèvi ak pwòp bonm cluster pa yo sou chann batay la. Men Kyèv ap mande Washington pou voye bonm cluster ba li paske li koumanse pran pàn minisyon. Etazini te reziste fè sa akoz danje ke bonm sa yo reprezante pou sivil.
Yon lòt kote, Inyon Ewòp la di vandredi eta manm li yo jwenn yon antant pou yo depanse 545 milyon dola ki ap pèmèt yo akselere pwodiskyon minisyon pou Ikrèn e replen estòk manm li yo.
Lwa pou Sipòte Pwodiksyon Minisyon an, ki gen abreje ann angle ASAP, gen pou li santre sou pwodiksyon boulèt kanno ak misil.
