Dapre Òganizasyon Mondyal Lasante engredyan ke yo mete pou sikre bwason pou moun ki nan rejim pou yo pa konsome sik, engredyan sa gen risk pou bay kansè.
Yo itilize engredyan sa nan plizyè pwodui, soti nan kola pou moun ki nan rejim alimantè, chiklèt, ak kèk lòt pwodui.
Koulye a òganizasyon an kapab mete etikèt risk pou kansè sou “aspartame” ki se engredyan atifisyèl pou sikre plizyè pwodui.
Dapre sa yon sous rapòte ajans nouvèl Reuters, Ajans Entènasyonal pou Rechèch sou Kansè ki gen apreje ann angle IARC - ki se yon bra dwat Òganizasyon Mondyal Lasante - ap pran desisyon sila nan mwa ki ap vini an.
Yo pral deklare ‘aspartame’ yon engredyan ki ka bay moun kansè".
Desizyon an baze sou tout prèv ke chèchè deja pibliye, epi l ap ankouraje moun fè plis rechèch sou pwodwi sila.
Rechèch la pa konsidere ki kantite engredyan sa a yon moun ka konsome anvan li gen anpil risk pou kansè.
Dirijan konpayi ki fabrike pwodui sa yo move kou kong.
Asosyasyon Entènasyonal Sweeteners la di ke IARC te aji sou "rechèch ke anpil moun diskredite".
Aspartame anba envestigasyon depi plizyè ane.
Yon etid franse montre plis risk pou kansè lakay moun ki konsome engredyan an anpil.
Men anpil moun konteste rezilta rechèch sa yo, e anpil moun ap kontinye konsome pwodwi sa yo.
Ou jwenn engredyan sila nan pwodui tankou “Diet Coke, ak chiklèt”.
IARC gen pou l pibliye 14 Jiyè desizyon li sou itilizasyon engredyan sila.
