Rezo sosyal tankou Facebook, WhatsApp ak TikTok sevi kom mwayen desepsyon, dezenfomasyon ak vol ki vize migran kap chache yon lavi miyò pou yomenm ak fanmi yo Ozetazini.
Anpil migran pa konnen anyen sou danje ak risk ki poze pou yo nan moman kote yap tanmen vwayaj danjre ki pral mennen yo sou fwontyè Etazini ak Meksik la.
Se konsa anpil nan yo pran nan pèlen fo konseye legal, swadizan moun kap fè rekritman pou travay e ki chache lajan pou dokiman ki pa nesesè, epi entèmedye ki ofri sèvis yo san okenn garanti.
Otorite yo estime kantite lajan migran yo pèdi fas ak tranzaksyon fwodulan sa yo se ant $1 ak $20,000 pa pèsonn.
Anpil migran pa menm rapòte krim yo paske yo pè pou bandi pa pran reprezay kont yo oubyen pou otorite yo pa depòte yo.
