Edwidge Danticat ranpòte Pri Ekselans Istwa Kout PEN / Malamud la ane sa a pou sa li rive akonpli. Pri a pote non defen ekriven Bernard Malamud.
Danticat se yon Ayisyèn Amerikèn ki ekri liv sou souvni ak idantite. Pami liv renome li yo gen "Krik? Krak!"
An 2020, Danticat te ranpòte pri ekselans pou istwa ki rele "Everything Inside".
Danticat ki gen 54 an kounyea di nan yon deklarasyon li pibliye: "Anpil nan istwa kout mwen yo rann omaj a tradisyon oral ki te fè pati kilti mwen antanke timoun nan peyi d Ayiti epi antanke imigran Ozetazini. Istwa kou sa a dispoze tou yon espas unik kote mwen ka eksperimante, eksplore epi granti antanke moun kap rakonte istwa, kidonk sa vinn bay pri sa a plis enpòtans pou mwen."
Pami loreya pri Malamud yo, nou jwenn ekriven George Saunders, Jhumpa Lahiri ak Yiyun Li.
