Lachin deklare komantè Prezidan Etazini Joe Biden fè kote li refere a lidè Chinwa a Xi Jinping kòm diktatè "konplètman fou e iresponsab".
Nouvo chire pit sa amenase pou l gate jefò pwovizwa kap fèt pou stabilize relasyon ant 2 pey yo.
Yon pot pawòl Ministè Afè Etranjè Chinwa a di komantè Biden yo "pa ann ako ditou ak fè yo e yo vyole seryezman pwotokòl diplomatik la. Li ajoute sa jete vèni tou sou diyite politik Lachin."
Biden fè komantè a pandan yon evenman politik nan Kalifòni Madi swa, pou kotize lajan pou kanpay a la prezidans li. Biden di envite yo ke Xi wont akoz tansyon ki egziste ant 2 peyi yo apre Aviyasyon Etazini te desann yon balon espyonaj Chinwa ki tap sivole Kòt Es Etazini.
Biden deklare: Se yon gwo anbarasman pou diktatè, lè yo pa konnen sak pase."
