Prezidan Museveni pa mete dlo nan bouch li nan deklarasyon yo:
Li di : "Sispèk yo pa vle gen pwoblèm ak lwa a. Si yo bezwen èd, y ap jwenn paske n te di, gen kèk moun nou ka ede tounen nan nòmal yo. Men, dezyèmman, si kounye a ou vle trennen lòt moun ladan l, nap rele chalbari dèyè w, nap voye nan prizon.
Yon santans prizon 20 lane ka tonbe sou moun ki ap fè reklam pou Omoseksyalite.
Pwojè lwa a atire anpil kritik bò kote lidè peyi nan loksidan yo, pami yo Prezidan Ameriken Joe Biden ak lòt ankò ki menase pou koupe èd ak enpoze sanksyon.
"Si yo koupe èd yo, nou pral chita epi mete disiplin nan depans nou yo, nou pral reyòganize bidjè nou. Si yo atake komès nou, nou pral fè komès ak lòt moun.
Omesekyalite te deja ilegal nan Ouganda - yon peyi konsèvatè ki kwè anpil nan relijyon, kote manm kominote LGBTQ a yo deja pa jwenn plas yo nan mitan sosyete a e ap sibi swizans anba men fòs sekirite yo.
