Lansman satelit espyonaj Kore di Nò a echwe jodia. Sepandan li deklanche yon konfizyon ak gwo kè sote kay vwazen li yo, Kore di Sid ak Japon, ki deja gen kè sote pou asnal Kore di Nò a kap vinn pi gwo chak jou.
Otorite yo nan kapital Kore di Sid la voye teks mesaj bay sitwayen yo pou ankouraje yo chache yon kote nan morn ki su pou yo rete, san li pa esplike poukisa.
Ministè Enteryè ak Sekirite a voye mesaj sa yo bay sitwayen yo apre pou di avètisman yo te resevwa pi bonè nan jounen an se yon bagay yo te voye pa erè e ke li te sipoze rive jwenn sèlman moun ki rete sou yon zile ki tou pre trajektwa fize ki tap transpòte satelit la.
O Japon menm, otorite yo aktive yon sistèm avètisman kont misil nan prefekti Okinawa nan sidwès la.
