Nan yon rapò Sèvis Ponpye Giyàn nan te bay lendi, yo di yo te rive nan zòn minwi e jwenn ke bilding sa ki nan vil Mahdia te "boule nèt nan flanm dife".
Katòz timoun mouri nan espas la e 5 lòt mouri lopital.
Gen 6 lòt ki ap swiv tretman lopital, pami yo 2 ki nan kondisyon kritik.
Sèvis ponpye sove anviwon 20 etidyan anba flanm dife.
Mark Ramotar ki se direktè depatman kominikasyon lapolis la fè konnen pifò nan 19 etidyan ki mouri yo se te endijèn.
Lapolis ak sèvis ponpye di ke yo ap travay pou detèmine kòz dife a.
Youn nan etidyan ki chape yo di li te reveye lè yon moun tap rele fò epi li te wè yon dife nan zòn twalèt la, ki te gaye byen vit nan lòt pati nan bilding nan, se sa lapolis di nan yon deklarasyon.
