Demann nan wo pou randevou atravè nouvo applikasyon gouvènman Ameriken an CBP One e sa lakoz anpil migran ki vle mande azil frustre anpil.
App la reprezante yon defi pou estrateji administrasyon Biden nan ki lye nouvo mwayen legal pou migran yo antre Ozetazini ak konsekans sevè pou moun ki pa suiv règ sa yo.
Sekretè Sekirite Nasyonal Etazini an, Alejandro Mayorkas di Gad Fwontyè Etazini arete 6,300 moun Vandredi, ki te premye jou apre leve restriksyon Tit 42 yo te ekspire. Yo arete 4,200 Samdi.
Chif sa a reprezante yon gwo bès, konpare ak plis pase 10,000 moun yo te arete 3 jou semèn pase a, nan moman migran yo tap kouvri travèse fwontyè a anvan nouvo politik ki mete restriksyon sou azil yo te antre an aplikasyon.
