Fòs ame Soudan yo ak Fòs Sipò Rapid paramilitè yo (RSF) te anonse, yo chak bò kote pa yo, yo t ap fè yon kanpo tanporè nan batay apati 6 zè yè swa, lè zòn-nan.
Nouvèl yo pale de batay tanzantan apre sese-lfe a te antre ann aplikasyon.
Nan Washington, Sekretè laprès Mezon Blanch Karine Jean-Pierre, mande pou 2 kan yo respekte kanpo a, “renonse ak vyolans e retounen bò tab negosyasyon yo”.
Nouvèl yo te rapòte anvan sa gwo batay, ayè mèkredi a, nan alantou prensipal katye-jeneral lame a nan Khartoum, kote djèt militè te lanse frap sou fòs RSF yo ki t ap chache pran kontwòl katye-jeneral la.
