Jack Texeira, yon manm sèvis ransèyman nan Gad Nasyonal Avyasyon militè Massachusetts, jwenn arestasyon li “san ensidan” nan yon rezidans nan Dighton, Massachusetts, jedi apremidi, se sa FBI di nan yon kominike.
Nan yon ti pale tou kout ki pase sou televizyon, Minis Jistis Etazini Merrick Garland fè konnen yo arete Teixeira « an koneksyon ak yon ankèt sou aksyon pou deplase swadizan san otorizasyon, kenbe e transmèt enfòmasyon sekrè sou defans nasyonal.”
Garland di: « Ankèt la ap kontinye, » e li ajoute, « Nou ap pataje plis enfòmasyon nan bon moman an. » Garland kontinye pou di yo ka akize Teixeira nan kad Lwa sou Espyonaj. Sispèk la ap fè premye aparisyon li nan tribinal nan Boston vandredi.
Dapre jounal Washington Post, dokiman ke Teixeira ta swadizan fwite yo gen enfòmasyon ki sansib anpil sou kapasite militè Ikrèn ak lòt enfòmasyon ke kominote ransèyman Etazini te rive jwenn nan kòmandman militè LaRisi.
