Gouvènman Panameyen an deklare Mèkredi ke 50,000 migran travèse Pas Darien an ki danjre anpil e ki konekte Kolonbi ak Panama. Yo anrejistre done sa yo pandan premye 2 mwa ane 2023 a, e li se 5 fwa plis pase kantite moun ki te travèse pandan menm peryòd la ane pase a.
Biwo Panama pou Defans Dwa Moun yo di tou ke 9,683 migran te gen mwenske 18 an. Chif sa a egal 7 fwa plis minè pase kantite ki te travèse rak bwa a pandan menm peryòd la ane pase a.
Biwo a ak oganizasyon dwa moun LONU yo di Pas Darien nan finn tounen yon pasaj byen etabli kounyea, kote 250,000 migran te travèse an 2022. Yo di yo atann yo aske chif sa a pral ogmante ane sa a.
