PDG Meta, Mark Zuckerberg, di nan yon mesaj li voye bay anplwaye yo "Mwen panse ke nou ta dwe prepare tèt nou pou posiblite ke reyalite ekonomik sa a ka kontinye pandan plizyè ane."
Enkyetid ki ekziste fas ak yon ekonomi an ki ap bese akòz to enterè yo ki ap moute, pwovoke revokasyon an mas nan anpil antrepriz ameriken : soti nan bank Wall Street yo tankou Goldman Sachs ak Morgan Stanley, pou rive nan gwo konpayi technoloji tankou Amazon.com ak Microsoft.
Meta, ki ap envesti dè milya dola nan konstwi metaverse, ap lite ak yon bès ekonomik apre pandemi an, kote konpayi yo pè mete lajan nan piblisite akoz sa yo wè ki ap pase nan ekonomi an.
Nan Endistri teknoloji a depi kòmansman 2022 gen prèske 290,000 travayè ki pèdi djòb yo.
