Blinken t-ap pale ak jounalis nan yon vizit nan Uzbekistan kote li di ke si LaRisi te vrèman pare pou angaje-l nan yon bon jan diplomasi pou mete fen nan agresyon-an, lè sa Etazini ta prese angaje-l nan efò sa-a. Men li di aksyon LaRisi, antwòt ekzijans Prezidan Vladimir Putin pou Ikrèn rekonèt kontwòl LaRisi sou kèk pati nan teritwa Ikrèn, moutre ke LaRisi pa enterese nan chimen sa-a.
Blinken di yon pwopozisyon lapè ke LaChin pwopoze gen kèk eleman pozitif ladann, antwòt kèk ki nan plan lapè Prezidan Ikrèn Volodymyr Zelenskyy-a menm.
Blinken di si LaChin te serye sou apèl-li pou souverènte tout nasyon, li ta fè ane ki pase-a ap sipòte souverènte total Ikrèn fas ak LaRisi.
